اهلا بك عزيزي الزائر اذا كنت من محبي الابداع ومن عاشقي محمد بشار
فنحن سعداء بانضمامك الينا في هذا المنتدى



 
الرئيسيةالتسجيلدخول

شاطر | 
 

 قصائد لهشام الجخ

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
بنت المنصورة
مشرف عام
مشرف عام
avatar

عدد المساهمات : 157
تاريخ التسجيل : 12/07/2011
العمر : 20
الموقع : فى ام الدنيا بلدى (مصر حبيبتى )

مُساهمةموضوع: قصائد لهشام الجخ    الأربعاء يوليو 13, 2011 11:47 pm

السلام عليكم روحمة الله وبركاتة

طبعا شعرنا المصرى الجميل المعروف هشان الجخ


احببت ان اضع له بعض من قصائدة


(جحا)
عن حال مصر

شعور سخيف
إنك تحس بإن وطنك شيء ضعيف
صوتك ضعيف
رأيك ضعيف

إنك تبيع قلبك وجسمك
وإنك تبيع قلمك وإسمك
ما يجيبوش حق الرغيف

سألوا جحا عن سر ضحكه
قالك أصل اتنين وشبكو
اللى كان من تحت ميت
واللى كان من فوق كفيف

دا شعور سخيف
وشعور سخيف
إنك تكون رمز الشحاتة
تبنى مبنى للشحاتة
تعمل وزراة للشحاتة

يا ساقية دورى ... عدى فوقى ودوسى
نصبوا عليا وشحتونى فلوسى
ربطونى فيكى .. حتى ما اتغميت
هما اللى فرحوا ووحدى أنا اتغميت

أنا اللى صاحب البيت
عايش بدون لازمة
ولما مرة شكيت
إدونى بالجزمة

أنا اللى زارعك دهب
بتأكلينى سباخ
إن كان دة تقل ودلع
بزيادة دلعك باخ
لا شفت فيكى هنا
ولا شفت فيكى ترف
كل اللى فيكى قرف

كرامتنا متهانة
واللقمة بإهانة
بتخلفينا ليه لما انتى كارهانا

يعنى ايه تبقى إنتى هبة النيل يا مزة
وكل يوم المية تقطع
يعنى ايه لما اشتكى غلو الفاتورة
يقولو تشكى بس تدفع

لما قش الرز ثروة بتتحرق
وأما نفط الأمة ثروة بتتسرق
وأما جلادك على ولادك بيبطش
وأما علمك ما يلاقيش يآكل فيطفش

يعنى ايه نرفع ايدينا بالسلام لجل الغزاة
ويعنى ايه لما ابقى ماشى فى حالى اتشد اشتباه
يعنى ايه لما اتحبس أربع سنين حبس احتياطى

يعنى ايه مش حاسة بالعمر وغلاوته
بتصبى مر العمر ليه
دة انا كنت ح اوهب لك حلاوته

أنا عمرى ما أتأمرت
ولا حطيت شروطى
ومكان ما ترسى مركبك
بابنى شطوطى
أنا كنت جيشك لما مماليلك باعوكى
وكنت يوسف لما عشتى سنين عجاف
وضلوعى دى اللى فى معركة قادش حموكى
وشفايفى دى اللى ما بطلتش فى يوم هتاف
دة انا كل شبر فى أرضك اتمرمغت فيه
وكل يوم عشتيه
أنا اتغذبت بيه

بتكرهينى عيونك السودة
وأيامى اللى فاتت
مانتيش حبيبيتى من النهاردة
حبيبنتى ماتت

علا صوت أدانك جرس
فى الشدة صاحينلك
من امتى كانوا الحرس
هما اللى باقينلك

بعتينى علشانهم
وعنيكى معصوبة
ياهلترى خاينة
ولا زيى مغصوبة

كل الكلام اتقال
والشعر بقى ماسخ
والصبر علو جبال
والظلم شىء راسخ
وطن وغرقان فى النطاعة
كل شىء ريحته نطاعة

علمونا بالعصاية
ورضعونا الخوف رضاعة
علمونا فى المدارس
يعنى ايه كلمة قيام
علمونا نخاف من الناظر
فيتمنع الكلام
علمونا ازاى نخاف
وازاى نكش
بس نسيوا يعلمونا الاحترام
فمتزعلوش
لما ابقى مش باسمع كلامكم
وماتزعلوش لما ابقى خارج عن النظام

مستنى ايه من طفل ربوه بالزعاق
غير المشاكل والخناق
كل اللى بيقولك بحبك دول نفاق
أنا لما قلت لك بحبك
كان نفاق

الحب يعنى اتين بيدوا
مش ايد بتبنى وستميت تيت تيت يهدو
الحب حالة
الحب مش شعر وقوالة
الحب يعنى براح فى قلب العاشقين للمعشوقين
يعنى الغلابة يناموا فى الليل دفيانين
الحب يعنى جواب لكل المسجونين
هما ليه بقوا مسجونين
يعنى أعيش علشان هدف
علشان رسالة
يعنى احس بقيمتى فيكى
إنى مش عايش عوالة

يعنى لما اعرق تكافئيى بعدالة
الحب حالة
الحب مش شعر وقوالة

الحب حاجة ما تتوجدش فى وسط ناس
بتجيب غداها من صناديق الزبالة

بارت مراعينا والبئر قد جفَ
والجوع يكوينا والصبر ما كّفى
والقلب لا يهدا والجرح لا يشفى
ولأننا طوع
زنا لهم خفا
جاءوا بموكبهم
واشتغلت الزفة

الدفة مظبوطة
وأصلا مافيش دفة
والكفة مش مايلة
علشان مافيش كفة

و جحا اللى جاى بالليل لساه بيتخفى
شايف ديدان الغيط سارحة ومارحماشى
من جبنه شاف الدود سابه وراح ماشى
ولا اتكسف للناس
ولا حس على طوله
الناس عشمها كبير جريوا بيشكوله
ضحك جحا ضحكة مواشى
مادام بعيد عن طينى ... ماشى

الدود قاعد لك يا جحا ولابد فى طينك
بعد ما يمص فى دمانا مش حيحلاله الا طينك

احنا اهلك
احنا رجالتك
أمانك
إحنا وقت الشدة سندك
إحنا زادك

يا جحا احمى ولادك
لو كنت عايز تحمى طينك
سوف أرحل
ربما يلقانى من ارجو لقاه
هامشى ويا الشحاتين

وابكى على حلمى اللى تاه
بس مش هاشحت رغيف
هاشحت وطن لله





القصيدة الثانية
(البغبغان)

كان يوم مَطَر ..
البغبغان جُوَّا القَفَص طَلَّع لِسانُه لعصفورين فوق الشجر ..
خَلِّيكو سايقين العناد ..
العِشّ قاد ..
وخسِرتُو ويَّاه الولاد .. لَـمَّا انفَجَر ..
هو انتو حِمْل السِيل ؟؟ ولا حِمْل المطر ؟؟
كان فيها إيه لو تِعْمِلُوا زيِّي وتقولوا زَيّ ما يقول البَشَر ؟؟..

ردُّوا علِيه العصفورين : لَوْ عَ الوِلاَد .. البَطْن ولاَّدة ..
والعِشّ مَهْمَا يقِيد ..
صخر الجبل عَنَاقِيد ..
نِفْرِشْهَا سِجَّادة ..
وانتَ اللي فرحان بالقَفَـص ..
أصْلَـك ( قَفَص ) !!..
كَتَمُوا الهوا جُوَّاك و نَسُّوك ان ما بين الحياة والموت .. نَفَس ....


القصيدة الثالثة

(نادية)
وبقولها يا نادية ونادية ونيدية
وصحكة فقلبى منيسة
وربى لولا متربى
ماقولك غير يا غازية
يا ناعسة
نعاس الليل على شعرك بنى بيوته
وحط الطوب وانا ايوب ومش صابر
كلامك وقف اللحن القديم وجددنى
وشد ربابة الشاعر
لانى بيرم ولا حداد ولا جابر
كفاية الليل ملكتينى
مفيش فالشمس جنية ...ياغازية
كفاية الحب عاشقينه
ولسعة حبك المولود بتسحرنى
انا ... اللى نسيت بنات الدنيا فوق رمشك
ما عايز غير اشوف وشك
بيضحكلى بالوانه وتفانينه
ادينا بقينا عاشقينه
ومساكينه ومساجينه ومجانينه
وحبيتك بصوت الناى وصوت الطار
وضرب النار وبراكينه
لو الواد اللى جلبك مالله كان فارس
انــــا عنتـــر
ولو عاوزاه يكون رقاص
... اكون من بكرة
غــــــــــازية
يا صدقى وسهرى وغنايا
يا غنـــاية
ياريتنى اموت فجبانتك
او ابقى حتة فلبانتك
تبلينى وترمينى فارجعلك
اللزق نفسى فى نعلك
واحبك يكش تكرهى لقايا


يلا ان شاء الله بكمل بعدين



_________________
الرجوع الى أعلى الصفحة اذهب الى الأسفل
المتفائلة
المدير العام
المدير العام
avatar

عدد المساهمات : 198
تاريخ التسجيل : 12/07/2011
العمر : 24
الموقع : في تونس جسدا وفي فلسطين قلبا

مُساهمةموضوع: رد: قصائد لهشام الجخ    الأربعاء يوليو 13, 2011 11:57 pm

شكـــــــــــــراا
الرجوع الى أعلى الصفحة اذهب الى الأسفل
http://mohamedbashar.forumarabia.com/
ali kaulitz
مدير المنتدى
مدير المنتدى
avatar

علم الدولة :
عدد المساهمات : 213
تاريخ التسجيل : 13/07/2011
العمر : 21
الموقع : بغداد الاعظميه

مُساهمةموضوع: رد: قصائد لهشام الجخ    الجمعة يوليو 15, 2011 7:29 am

تسلمي على القصائد
الرجوع الى أعلى الصفحة اذهب الى الأسفل
مكسورت الجناحين
مشرف عام
مشرف عام
avatar

علم الدولة :
عدد المساهمات : 515
تاريخ التسجيل : 12/07/2011
العمر : 21
الموقع : امتحاناتtime

مُساهمةموضوع: رد: قصائد لهشام الجخ    الجمعة يوليو 15, 2011 2:35 pm

يسلمو. بنت المنصورة باراك الله فيكي
الرجوع الى أعلى الصفحة اذهب الى الأسفل
http://www.amalqm.yoo7.com
~~عابرة السبيل~~
مشرف اقسام
مشرف اقسام


عدد المساهمات : 193
تاريخ التسجيل : 12/07/2011

مُساهمةموضوع: رد: قصائد لهشام الجخ    الأحد يوليو 17, 2011 8:59 pm

يسلمووووووووو
الرجوع الى أعلى الصفحة اذهب الى الأسفل
بنت المنصورة
مشرف عام
مشرف عام
avatar

عدد المساهمات : 157
تاريخ التسجيل : 12/07/2011
العمر : 20
الموقع : فى ام الدنيا بلدى (مصر حبيبتى )

مُساهمةموضوع: رد: قصائد لهشام الجخ    الجمعة يوليو 22, 2011 7:34 pm

:!@#$%^:

_________________
الرجوع الى أعلى الصفحة اذهب الى الأسفل
شلال الورد
عضو نشيط
عضو نشيط
avatar

عدد المساهمات : 47
تاريخ التسجيل : 15/08/2011

مُساهمةموضوع: رد: قصائد لهشام الجخ    الجمعة سبتمبر 02, 2011 3:44 pm

يسلمووو ايووته
الرجوع الى أعلى الصفحة اذهب الى الأسفل
http://ssllal.forumpalestine.com
Admntk 7bk
مشرف عام
مشرف عام
avatar

علم الدولة :
عدد المساهمات : 436
تاريخ التسجيل : 18/09/2011
العمر : 21
الموقع : في قلوب الناس {لندن جسدا عراق قلبا}

مُساهمةموضوع: رد: قصائد لهشام الجخ    الثلاثاء سبتمبر 27, 2011 11:12 pm

تسلمي على القصائد
الرجوع الى أعلى الصفحة اذهب الى الأسفل
http://7yatnaabda3.forumotion.co.uk/forum
C.R.7
عضو نشيط
عضو نشيط
avatar

علم الدولة :
عدد المساهمات : 559
تاريخ التسجيل : 17/09/2011
العمر : 23
الموقع : IRAQ

مُساهمةموضوع: رد: قصائد لهشام الجخ    الجمعة سبتمبر 30, 2011 2:13 pm

يسلموووووووووووو
الرجوع الى أعلى الصفحة اذهب الى الأسفل
 
قصائد لهشام الجخ
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: قسم الشعر والخواطر-
انتقل الى: